ركز

السلام عليكم ورحمة الله وبركاته

كل سنة وحضراتكم طيبين

وربنا يتقبل منا ومنكم ان شاء الله
الجملة دى انا سمعتها فى برنامج تقريبا

او حد كان ماشى بيكلم حد بصوت عالى

وسمعتها

المهم انى سمعتها

ومكانتش موجهة ليا شخصيا

بس واضح ان ربنا كان بييسر لى انها توصل لى

وهى
اوعى تخلى حد يفقدك تركيزك

يعنى اوعى تخلى حد يعطلك

يطلعك برة مودك اللى انت تعبت لغاية ما وصلت له

يرجعك عن قرار انت اقتنعت تمام الاقتناع انه صح

طالما استخرت واستشرت نفذ اللى انت بدات فيه

واوعى تتراجع مهما كانت حاجة بسيطة وسهلة وتتعوض

لانك لو تراجعت فى الصغيرة هتتراجع بشدة فى وقت الجد

ثق فى قدراتك

وانك مش اقل من اى حد

وان ربنا مبيظلمش

وبيدى كل واحد ال (24)قيراط بتاعه زى مابيقولوا

ركز

متخليش حد يشتتك ويشدك ويلعب بتفكيرك بكلمتين فى الهوا هو نفسه مش عارف قيمتهم ولا معناهم

خلى عندك مقياس ثابت

قيمة معينة

مثلا مثلا

انت ضد الظلم

مبتحبهوش ابدا

يبئا وقت مابتحكم على موقف تنسى شخصية الظالم ومين المظلوم

ركز بس انك تحمى المظلوم من الظلم دا

تانى

اوعى تخلى حد يفقدك تركيزك

وبس

قولوا لى انتم بئا ايه ممكن الواحد يعمله بساعده انه ميفقدش تركيزه؟

جزاكم الله خيرا